giovedì 24 dicembre 2015

QUANNU E' NATALI. Come una sorta di memorandum. Poesia di Piero Carbone.









Oj è Natali.
Almenu pi la fini di l’annu
chiujlu, ti dissi, ssu giornali.
Astutala, la televisioni.

Vidi chi fannu?! Cosi
veri ca parinu finti. Nni mpapocchianu
pi farini accattari.  Cosi finti
ca parinu veri, pi farini scantari. 
Un’opira di pupi! Chiacchiari.
parulazzi tinti.
Arribballanu tanti culi e minni.
Gliommari
 di cuttuni mpidugliatu.
Scrusciu!
E spati nni l’uocchi.
Sbrizzi
 d’acitu nni li naschi
chiusi.
Viju l’onesti jittati
di latu.
L’acitu sbuòmmica
e bbuonu ti mmriàca.
Lu cuttuni d’azzaru chi t’affuca.
L’uocchi sbarracati:
spati e sangu!
Cosi chi sientu!
Si vidinu sceni!
Muorti comu muschi ammunziddrati.
Matri mpazzuti
patri dispirati
calunnii jittati apposta
vilinusi
figli senza curpa
abbannunati.
  
Chiujlu, ti dissi, ssu giornali.
Astutala la televisioni.
Faciemmunillu n paci
stu Natali.

©piero carbone

Contrada Zaccanello, Natale 2015

Questa poesia farà parte della raccolta "Nenti ci fa"

2 commenti:

  1. Complimenti ancora, una bella poesia che tocca le corde del cuore e della sensibilità di ognuno pur partendo dalla realtà di tutti i giorni, una realtà a volte manovrata, a volte a uso dei potenti ma una cosa è certa: i morti sono veri.Solo la poesia può dare una spinta a riflettere e a sensibilizzare chi ha le chiavi del potere.

    RispondiElimina
    Risposte
    1. Grazie. Per quanto riguarda le aspettative "palingenetiche" della poesia... speriamo.

      Elimina