domenica 28 luglio 2013

LUNA TU. Parole per una canzone



LUNA TU



I

Sutta lu pignu di lu Zzaccanieddru 

tutti l’amici mi viennu a truvari.

Ci offru ficu, ci offru piruna,

grapiemmu un libbru, nni guarda la luna.



Li gradi su di fierru e fannu cruci,

diavuli diventanu l’amici,

ma iu ca sugnu veru omu di paci

nni dicu bbeni di li ma nnimici.



Rit.:

Luna luna luna tu

Suli suli suli tu (3 volte)

Vientu vientu hiuhia tu

Paci amuri e nenti cchiù (2 volte)



II

Du gatti ca mi fannu cumpagnia

Mentri la vita beni o mali passa.

La picciliddra joca, tutta russa,

un cuccu n capu l’arbulu cucchia.



Tutta chi va santannu e scuncichìa

la picciliddra mia quannu si curca.

La vasu, chiuji l’uocchi, s’ammuscisci,

mentri ci cuntu un cuntu, s’addrummisci.

Rit.



III

Stiddri ca vi taliu di luntanu,

furmiculi a lu scuru mi pariti.

Stiddri di n celu ca mi taliati

nun sacciu chi di mia vu’ vuliti.



Lu vientu m’accarizza li capiddri

lu nasu anchi la frunti e li masciddri.

Vinni, hiuhiannu, tuttu spinziratu.

Nivuru si nni jì e ntrubbulatu



Rit.
















© Piero Carbone.
Testo inedito. Tutti i diritti riservati secondo le disposizioni vigenti in materia





Nessun commento:

Posta un commento